(#16) Green Book podcast: Հովհաննես Աղաջանյանը` թվային փոխակերպման և 4-րդ արդյունաբերական հեղափոխության մասին

«Կանաչ Գիրք» փոդքասթը ներկայացնում է ոլորտի փորձագետների հետ հետաքրքիր զրույցներ՝ կլիմայի փոփոխության, էներգետիկայի, մթնոլորտի, ջրային և անտառային ռեսուրսների, էկոհամակարգերի վերաբերյալ։

Փոդքասթի այս էպիզոդում Հրազդանի հ․11 հիմնական դպրոցի աշակերտներ Արինա  Հունանյանը և Սերգեյ Խաչատրյանը զրուցում են տեղեկատվական տեխնոլոգիաների մասնագետ Հովհաննես Աղաջանյանի հետ: 

Հովհաննես Աղաջանյանը աշխատում է Synergy International Systems, Inc. ընկերությունում՝ որպես նախագծի ղեկավար։ Synergy-ի ընկերությունը ՀՀ Էլեկտրական էներգիայի մեծածախ շուկան թվայնացնելու համար մշակել է էլեկտրաէներգետիկական մեծածախ շուկայի ազատականացմանը միտված Էլեկտրաէնեգիական շուկայի կառավարման ծրագիրը։ Շուկայի կառավարման ծրագիրը մշակվել է ԱՄՆ միջազգային զարգացման գործակալության էլեկտրաէներգետիկական շուկայի ազատականացման եւ միջպետական առեւտրի ծրագրի աջակցությամբ։

Զրույցի առանցքային հարցերն են՝ 

- Արդյո՞ք թվային փոխակերպումը կարող է խթանել Էներգետիկ ոլորտի զարգացումը։

- Որքա՞ն կարևոր են բնագիտական առարկաները ծրագրավորման մեջ։

- Որո՞նք են այսօրվա նորույթները տեխնոլոգիաների ոլորտում և որտե՞ղ արժի խորանալ:

- Ի՞նչ է 4-րդ արդյունաբերական հեղափոխությունը։

- Ինչպե՞ս այս հեղափոխության ընթացքում չկորցնել ինչպես բնապահպանական, այնպես էլ մարդկային արժեքները։